Acharya Tulsi
द्वितीयः प्रकाशः
- जीवाऽजीव-पुण्य-पापाश्रव-संवर-निर्जरा-बन्ध-मोक्षास्तत्त्वम् ।
- उपयोगलक्षणो जीवः ।
- चेतनाव्यापारः उपयोगः ।
- साकारोऽनाकारश्च ।
- पर्यायग्राहित्वा ज्ञानं साकारः ।
- ध्रौव्यग्राहित्वाद् दर्शनमनाकारः ।
- मति श्रुतावधि-मनः पर्याय- केवलानि ज्ञानम् ।
- इन्द्रियमनोनिबन्धनं मतिः ।
- श्रुतनिश्रितेतरे ।
- अवग्रहेहावायधारणाभेदात् श्रुतनिश्रिता चतुर्धा ।
- इन्द्रियार्थयोगे दर्शनानन्तरं सामान्यग्रहणमवग्रहः ।
- व्यञ्जनार्थयोः ।
- अवगृहीतार्थविशेषविमर्शनं अमुकेन भाव्यमिति प्रत्यय ईहा ।
- ईहितविशेषनिर्णयः अमुक एवेत्यवायः ।
- स एव दृढतमावस्थापन्नो धारणा ।
- औत्पत्तिकी वैनयिकी-कार्मिकी पारिणामिकी इति चतस्रो बुद्धय अश्रुतनिश्रिताः ।
- अदृष्टाश्रुतार्थग्राहिणी औत्पत्तिकी ।
- विनयसमुत्था वैनयिकी ।
- कर्मसमुत्था कार्मिकी ।
- परिणामजनिता पारिणामिकी ।
- जातिस्मृतिरपि मतेर्भेदः ।
- व्यवसायात्मकं ज्ञानं बुद्धिः ।
- मनोवाक्कायप्रवर्तकं निश्चयात्मकं ज्ञानं चित्तम् ।
- द्रव्यश्रुतानुसारि परप्रत्यायनक्षमं श्रुतम् ।
- अक्षर-संज्ञि-सम्यक् सादि सपर्यवसित गमिकाङ्गप्रविष्टानि सप्रतिपक्षाणि ।
- आत्ममात्रापेक्षं रूपिद्रव्यगोचरमवधिः ।
- भवप्रत्ययो देवनारकाणाम् ।
- क्षयोपशमनिमित्तश्च शेषाणाम् ।
- अनुगामि-अननुगामि वर्धमान हीयमान प्रतिपाति-अप्रतिपाति-भेदादसौ षोढा ।
- मनोद्रव्यपर्यायप्रकाशि मनः पर्यायः ।
- ऋजु-विपुलमती ।
- विशुद्धि क्षेत्र-स्वामि-विषयभेदादवधेर्भिन्नः ।
- निखिलद्रव्यपर्यायसाक्षात्कारि केवलम् ।
- मति-श्रुत-विभंगा मिथ्यात्वसाहचर्यादज्ञानम् ।
- चक्षुरचक्षुरवधिकेवलानि दर्शनम् ।
- प्रतिनियतविषयग्राहि इन्द्रियम् ।
- स्पर्शन-रसन-प्राण-चक्षुः श्रोत्राणि ।
- द्रव्यभावभेदानि ।
- निर्वृत्त्युपकरणे द्रव्येन्द्रियम् ।
- लब्ध्युपयोगौ भावेन्द्रियम् ।
- स्पर्श-रस-गन्ध-रूप-शब्दास्तद्विषयाः ।
- सर्वार्थग्राहि त्रैकालिकं मनः ।
- कर्मणामुदयविलयजनितः चेतनापरिणामो भावः ।
- परिणमनं वा ।
- औपशमिक क्षायिक क्षायोपशमिका भावाः स्वरूपं जीवस्य ।
- औदयिकपारिणामिकावपि ।
- मोहकर्मणो वेद्याभाव उपशमः ।
- निर्मूलनाशः क्षयः ।
- घातिकर्मणो विपाकवेद्याभावः क्षयोपशमः ।
- वेद्यावस्था उदयः ।
- स्वस्वभावे परिणमनं परिणामः ।
- औपशमिकस्य सम्यक्त्वचारित्रे ।
- क्षायिकस्य ज्ञान-दर्शन- सम्यक्त्व चारित्र- अप्रतिहत- वीर्यादयः ।
- क्षायोपशमिकस्य ज्ञानाऽज्ञान-दर्शन-दृष्टि- चारित्र-संयमासंयमवीर्यादयः ।
- औदयिकस्य अज्ञान-निद्रा- सुख-दुःख-आश्रव-वेद-आयुर्गति-जाति-शरीर- लेश्या-गोत्र- प्रतिहतवीर्यत्व-छद्मस्थ-असिद्धत्वादयः ।
- इति जीवस्वरूपनिर्णयात्मको द्वितीयः प्रकाशः
