Acharya Tulsi
चतुर्थ: प्रकाशः
- आत्मप्रवृत्त्याकृष्टास्तत्प्रायोग्यपुद्गलाः कर्म ।
- तच्चावरण-विकार प्रतिघात - शुभाशुभ-हेतु ।
- ज्ञानदर्शनावरणवेदनीयमोहनीयायुष्कनामगोत्रान्तरायभेदादष्टधा ।
- घाति अघाति च ।
- बन्ध - उद्वर्तना-अपवर्तना-सत्ता-उदय-उदीरणा-संक्रमण-उपशम-निधत्ति निकाचनास्तदवस्था: ।
- कर्मपुद्गलानामादानम्-बन्ध: ।
- प्रकृतिस्थित्यनुभागप्रदेशास्तद्भेदाः ।
- सामान्योपात्तकर्मणां स्वभावः प्रकृतिः ।
- कालावधारणं स्थिति: ।
- विपाकोंऽनुभागः ।
- दलसंचय प्रदेशः ।
- शुभं कर्म पुण्यम् ।
- तच्च धर्माविनाभावि ।
- अशुभं कर्म पापम् ।
- द्रव्यभावभेदादेते बन्धाद् भिन्ने ।
- कर्माकर्षणहेतुरात्मपरिणाम आश्रवः ।
- मिथ्यात्वमविरतिः प्रमादः कषायो योगश्च ।
- अतत्त्वे तत्त्वश्रद्धा मिथ्यात्वम् ।
- आभिग्रहिकमनाभिग्रहिकं च ।
- अप्रत्याख्यानमविरतिः ।
- अनुत्साहः प्रमादः ।
- रागद्वेषात्मकोत्तापः कषाय ।
- क्रोधमानमायालोभात्मा ।
- प्रत्येकमनन्तानुबन्धि-अप्रत्याख्यान-प्रत्याख्यान-संज्वलन- भेदाच्चतुर्धा ।
- काय वाङ्-मनो-व्यापारो योगः ।
- शुभोऽशुभश्च ।
- यत्र शुभयोगस्तत्र नियमेन निर्जरा ।
- योगवर्गणान्तर्गतद्रव्यसाचिव्याद् आत्मपरिणामो लेश्या ।
- कृष्ण-नील-कापोत-तेजः- पद्म शुक्लाः
